"Ga re batle tlhakatlhakano ka Mogwanto wa Rustenburg"

Benet Monanyane.

Bojanala1 Taxi Council PRO,Bruno Yeleni

Motlhankela wa tsa bogokaganyi kwa mokgatlhong wa ditekise Bojanala1 Taxi Association Council kwa SANTACO, Bruno Yelani , o kgala ka bogale tshedimosetso e e senang boammaruri e e tswelelang go tlhagisiwa ke bangwe ba ba buang fa go tla nna le tlhakatlhakano mo toropong ya Rustenburg ka nako ya mogwanto wa Labone ,12 Lwetse.

“Mogwanto o wa boraditekisi e tlile go nna mogwanto wa kagiso o na le tolamo, re buisane le batho ba dikgwebo mo ditseleng tse re tla fetang mo go tsona go ba lemosa ka dithulaganyo.No one will be allowed to embark on any criminal element,it’s pure issues led by taxi industry.Mogwanto o mo molaong. O ka lekang go tsaya kans o tla re itse re le boraditekisi. Ga bua Yelani.

Mokga o tlhalosa fa mogwanto o itlhoma go tlhagisa matshwenyego ka ditshweetso tse di tsewang ke lekgotla la masepala wa Rustenburg fa e sale ka 2007, mme di sa tsengwe tirisong . Ba lwela seemo sa ranka e ba buang fa e se mo seemong se se siametseng tiriso, gape e sena dipone. Ba ngongorega gape ka madi a kana ka diranta di le 60 tse ba tlhalosang fa ba di ntsha ngwaga le ngwaga e le tsa tlhokomelo ya mmila (RM) ,mme ba re ga ba bone mosola wa tsona ka ranka le mebila di sa supe tlhabologo epe.

Yelani o tlaleleditse ka go bua fa mogwanto o tla emanokeng basadi ba naga eno ba sešeng ba ntseng ba itemogela ditiragalo tsa go sotlakakiwa ke banna kwa dikarolog dingwe tsa naga. “ Basadi le makgarebe ke karolo ya badirsi ba ditekise tsa rona bangwe ke bakgweetsi,ka jalo re ba neela tshegetso. Ga re itumelele go bolawa ga basadi le bana. Re le boraditekise, retla tlhagisa gape kgwetlo ya basadi ka matlwanaboithusetso a Rustenburg Rank a sa nnang sentle gape a tswalwa mo bosigong” . Ga konosetsa Yelani.

Mokgatlho o tlhalosa fa o tla letlelela baditšhaba ba dinaga tse dingwe ba ba mono Afrika Borwa go inyalanya le mogwanto .  Yelani a re ba kgatlhanong le go tlhaselwa ga baditšhaba.

Le fa Bojanala1 Regional Taxi council  e tsweletse ka kopo ya yona ya go ka dirisa mebila e e rileng go isa kwa mo ya toropo mo letsatsing la mogwanto. Masepala o letleletse mogwanto go simologa kwa lebaleng la lephata la phepafatso ya matlakala kwa mmileng wa Bethlehem le go leba ka mokoloko wa ditekise kwa go wa Von Wielligh le go tswelela ka wa Dr Beyers Naude. Makopanelo a Klopper le Von Wielligh, Kruger le Von Wielligh, President Mbeki le Von Wielligh,Kerk le Von Wielligh, le Jourbet le Von Wielligh a tla amega.

Go ya ka Yelani, bona mo kopong ya bona ba batla go simolola ko R510 Boitekong Engen Garage go tsena ka Oliver Tambo le Bayers Naude. Mokoloko o mongwe o simolole kwa R104 kwaDr Moroka le go tsena ka Oliver Tambo. O mongwe kwa R24 go tsena ka mmila wa Nelson Mandela le go simologa kwa Mpheni House.  RLM e totobatsa fa mogwanto o tla simololwa ka 08:00 go fitlha ka 13:00.