Dipudi di le 38 kwa sepodiseng mo Rustenburg

Tshwabiso Monanyane.

Setshwantsho se se farologaneng

Sepodise sa Rustenburg se ipiletsa go barui ba ba timeletsweng ke dipudi tsa bona go leba kwa seteišeneng sa sepodise sa Phokeng go tlhola fa dipudi tse di fitlheletsweng ke maloko a sepodise fa e ka tswa e se tsa bona.

Sepodise se ne ka Laboraro beke e e fetileng sa belaela sejanaga sengwe kwa mmileng wa R24 gaufi le Ntsedimane/Olifantsnek le go kgatlhana le dipudi di le 38. Bakgweetsi ba sejanaga seo ba ne ba tswa kwa Ledig. Batlhankela ba sepodise ba gapile dipudi tseno go tsweletsa dipatlisiso le go tlhola fa di ka tswa di utswitswe. Ga go ope yo a tshwerweng.

Baagi ba ba latlhegetsweng ke leruo ba ka leletsa kapotene Selomane wa seteišene sa sepodise sa Phokeng mo 082 569 5509.