KOTSI YA DIJANAGA KWA RUSTENBURG

Tshwabiso Monanyane.

Kotsi e e latotseng matshelo. Setshwantsho: ER24

Batho ba le bararo ba latlhegetswe ke matshelo fa a le mongwe a gobetse mo go tseneletseng ka nako ya fa dijanaga di le pedi di ne di thulana ka dinko kwa mmileng wa Bleskop gaufi le Photshaneng kwa ntlenyana ga Rustenburg maabane.

Sebueledisa ER24 Werner Vermaak a re batlhankela ba ditirelo tsa molelo  le ba phaloso ba ne baitlhaganela kwa felong la kotsi le go fitlhela matlhekge a dijanaga di le pedi. Sengwe sa dijanaga se ne se lebisitse  mataere  godimo.

Vermaak o buile jaana le ba ANA; " One of the vehicles was lying on its roof in the road. Two people were found with fatal injuries and declared dead. A third person was resuscitated; however, despite the efforts of paramedics they were unable to revive him and he was later declared dead on the scene." Ga bua Vermaak.

Go fitlhetswe batho ba le babedi ba ne ba le mo seemong se se sa jeseng di welang,moraganyana batlhankela ba totobatse fa ba ne ba setse baiketse boyabatho. Maiteko a go ka alafa yomongwe waboararo a ne a se atlege fa le ena a ne a tlhokofalela mo lefelong la kotsi. Motho wa bone o potlakiseditswe bookelong ka dikgobalo tse di masisi.

Vermaak a re sebakwa sa kotsi ga se ise se itsiwe.

BAPHALANE BA KOPIWA KE TONAKGOLO GO DIRISANA LE PUSO

Tshwabiso Monasta.

Morafe wa Baphalane o thologetse kwa kopanong ya tonakgolo

.

Le fa tonakgolo ya North West Job Mokgoro a ikuetse ka sebele go boidiidi ba baagi ba motse wa Ramokokastad gaufi le Mogwase go re ba letlelele barutwana ba sekolo go boela dikolong,tsamaiso ya dipalangwa le tiriso ya tliniki  go boela tlwaeding.

 Maloko a baagi a re a santse a tla emisa ditirelo  go fitlha tonakgolo a simola go diragatsa dingwe tsa ditshweetso tsa gagwe tse a tlhalositseng fa di setse di le tirisong.

A ne a eme morafe ka lefoko kwa Ramokokastad,tonakgolo Mokgoro o tlhaloseditse baagi fa a gapeletsegile go dirisa karolwana e nngwe e e farologaneng ya molao morago ga gore maphata a a golagangwang le serobe sa segosi a se dumelane go ka tsenyeletsa molawana yo  o letseng mo maruding a taelo ya segosi go ka laela gore tsamaiso ya dithoto tsa morafe e tlhokomelwe ke batlhankela ba puso.

“ Mo morago ga go reetsa dingongora le mathata a okametseng Baphalane,ke ile ka sweetsa tshweetso e e ntebaganeng mabapi le molawana yo o bidiwang North West Traditional Leadership and Governance ACT yo o tlhalosang go re ge maemo a le ka mokgwa yo,go diriwang. Molao yo wa re tsamaiso ya segosi,a ke kae kapa kae mo porofenseng ya Bokone Bophirima,e tshwanetse go nna ka fa tlase ga tlhokomelo ya puso ya porofense. Molao o le maikarabelo a lebaganeng moprimiri,ke go tlhokomela gore ditlhokego tsa morahe o tshwana le o wa Baphalane di tlhokomelwe. Ke le moprimiri wa porofense ke tsere tshweetso ya gore ke dirise molao o go ka tsena kgang ya mathata a ba Baphalane”. Go buile Mokgoro.

Tonakgolo a re nako ya go ka reetsa maphata a amegang mo morerong wa Baphalane e khutlile mme e le nako ya go tsaya dikgato. “ Dipegi tse re di boneng bagaetsho ke gore tsamaiso ya segosi ga ya tlhamalala ya hokola,jaanong kgato ya tsereganyo e ke e tsayang gompieno e tla akaretsa go tlhomiwa ga babatlisisi ba ba tla lebelelanang le merero e e tlhagisitsweng,mme ba ba tlaabong ba nkemetse go tsaya kgato e ,ke ba tlhalosetse ka botlalo gore ke eng se ba tshwanelwang ke go se dira. Go tlisa tsepamo,baagi ba tshwanetsetse ba thusana le puso mo ntlheng eno. Letlelelang bana go ya dikolong ,tliliniki e bulwe. Ga tswelela Mokgoro.

Baagi ba ne ba sala ba ntse ba kokoane kwa kopano e neng e tshwaretswe teng le go bua fa ba kgotsofalela kgato ya tonakgolo,fela ba buafa ditirelo di santse di tla tswelela go ema go fitlha ba supediwa motlhankela yo a tlhomilweng go dirisana nabo.
  
Go tlhagelela fa kopano e e neng ya tshwarelwa kwa Mogwase pelenyana ga fa go ka lebiwa Ramokokastad e ne ya nna ya maikutlo a a magoletsa magareng ga malapa a golagangwang le segosi malebana le go ka sweetsa mo morerong wa go ka laela gore dithoto tsa morafe di nne ka fa tlase ga tlhokomelo ya puso.

Tonakgolo ya North West a leba Ramokokastad

Tshwabiso Monanyane


Kantoro ya tonakgolo ya porofense ya North West Job Mokgoro e totobatsa fa tonakgolo a tla leba kwa Ramokokastad mo letsatsing la Laboraro wa ka moso,koo a solofelwang go tsenela kopano e e itlhomang go fitlhelela tharabololo mo seemong se se ntseng se sa itsheka se le malebana le tsamaiso ya segosi .

Kopano e rulaganyeditswe go tshwarwa ka ura ya bolesome mo mesong kwa dikantorong tsa segosi sa Ramokokastad.
Tonakgolo Mokgoro o tlaabe a patapatilwe ke mokhuduthamaga wa lefapha la botaki,setso le merero ya segosi mo porofenseng Ontlametse Mochware le meiyara wa mmasepala wa Moses Kotane Ralesole Diale.

 Seno ke jaaka e setse e le sebaka se se fetang dikgwedi di le pedi go na le kgoreletsego ya dikolo,dibese le ditirelo tsa tliliniki kwa motseng wa Ramokokastad eo magareng ga metse mengwe e akaretsang metsana e dira Bojating,Phadi le Mmorogong. Badiri ba tswelela go gaelelwa ka ntlha ya fa ba gapeletsega go dirisa mefuta e mengwe ya dipalangwa. Maloko mangwe a baagi a o a sa itumedisiweng ke tsamaiso ya segosi sa Bakwena Ba Batlase kwa Phalane, ba ntse mo tsamaong ya dikgwedi tse di fetileng ba tswala mebila le go ganela barutwana ba sekolo go ya sekolong ba bua fa ba batla gore selelo sa bona se tsewe tsia.

Badichaba ba ba ntseng ba tsamaisa dikgwebo kwa motseng wa Phalane le bona ba kgotlisitswe setlhako.

Motswedi wa rona o tlhalositse fa tonakgolo a lemogile fa tiego go ya pele e ka feletsa e ama barutwana ba sekolo ka mo go sa tshwanelang. Puso ya North West e tlhalositse fa e le palogotlhe ya dikolo tse 9 tse di amegileng. Barutwana ba mophato wa marematlou ba le 109 ba santse ba beile seatla mo phatlheng mo pakeng eo ka yona baithuti ka bona kwa dikolong tse dingwe ba tswelelang go ipaakanyetsa ditlhatlhobo tsa makgaolakgang.